Сайрандап көңүл дууласын,
Толтура куйгун кесени.
Бир тамчысын калтырбай,
Бир жуталы дешели.
Кан майданда табылган,
Кайрадан көктөп жаңырган.
Салтанат ушул турмуштун,
Гүлдөшү үчүн ичели!

Тартышкан жоосун талкалап,
Тайманбай өскөн эзелден.
Кайгынын басса салмагы
Кара жердей көгөргөн.
Кубаты күндүн нурундай.
Тунугу тоонун суусундай,
Элибиз үчүн ичели!

Талпынган куштай бөпөлөп,
Таалайга арнап төрөгөн.
Ымыркай кезден алпештеп,
Чынарга бойду теңеген.
Ал түндө эчен ойгонуп,
Ак сүтүн берген толгонуп.
Энебиз үчүн ичели!

Жүзүнөн нуру балкыса,
Жүрөгүнө гүл өнүп.
Өзгөгө бурбай көңүлүн,
Өмүрүн кошкон түбөлүк.
Кубанычты бир көргөн,
Кайгы муңду тең бөлгөн.
Жарыбыз үчүн ичели!

Карагаттай гүлдөгөн,
Кайгырууну билбеген.
Мунунду жазып тараткан,
Булбулдай ширин тил менен.
Эркеси болгон адамдын,
Ээси жыргал замандын
Балабыз үчүн ичели!

Топ 10 популярдуу ыр

Ырдын атыLike саны
Гүлназ Чыныбек кызы — Жолуксак кандай жакшы тексти341
Асанкалый Керимбаев - Ак булуттар тексти168
Гүлжигит Сатыбеков — Сагынып тексти142
Мирбек Атабеков — Бул дүйнө тексти129
ЧОРО тобу — Сүйүү балы тексти77
Бекжан Темирхан - Эзилип буттум тексти76
Темир Назаров — Туулган жер74
Самара Каримова - Менин атам жакшы адам тексти73
Омар — Кыргызстаным тексти66
Бек Борбиев - Уулуң мага окшогон тексти59

Сизге жактыбы? Комментарий жазыңыз

Сиздин email адрес жарыяланбайт.