Бар оюм сизде күн-түн,
Байлыгым, кенчим, мүлкүм.
Жоолугуң кыйгач байлап,
Жол карап күткөндүрсүң.
Энекем ай, Алтыным энекем ай.
Ыйыгым, тунугум, жаным энем.
Берекем энекебай.
Ырысым, кутманым, багым энем.
Жылмайып мээрим төккөн элесиңди,
Алмашпайм бул дүйнөнүн бары менен.
Жандүйнөм телегейим,
Сүйүктүү энем менин.
Бешик ыр ырдап берчи,
Бакытка бөлөнөйүн.
Энекем ай, Алтыным энекем ай.
Дүйнөдө жапжалгыз жакыным ай.
Кымбатым энекебай,
Жан болбос өзүңө татыгыдай.
Адашсам алтын казык сыяктанып,
Алдыма нурун чачкан асылым ай.
Дүйнөмдүн жарымы энекем ай!
Табылбас ыйык жаным,
Таалайым ырыс багым.
Кусадан айыктырар,
Кубатым улукманым.
Энекем ай, Алтыным энекем ай.
Дүйнөдө жапжалгыз жакыным ай.
Кымбатым энекебай,
Жан болбос өзүңө татыгыдай.
Адашсам алтын казык сыяктанып,
Алдыма нурун чачкан асылым ай.
Жашоомдун жарыгы энекем ай!
Адашсам алтын казык сыяктанып,
Алдыма нурун чачкан асылым ай.
Жанар Туратова — Энекемай тексти
Датасы: 19.10.2022 Көрүүлөр: 2939
1 чи Like басыңыз.
