Уктатпачы мени, жазгы жаан,
Сыйкырдуу түн сырын тыңшайын.
Келе жаткан көктөм кабарын,
Бөлүшүүгө таңды жумшайын.
Уктатпачы мени, жазгы жаан,
Жашыл дүйнө шаңын саамайын.
Ага арналган ыйык саптардын,
Алгачкысы болуп калайын.
Эргүүлөргө толуп көңүлүм,
Эртеңдерге үмүт улайын.
Жазда күтчү сүйүү баянын,
Жүрөктөргө шыбыр улайын.
Уктатпачы мени, жазгы жаан,
Ойлор кыйнайт сырлар ачылбай.
Шолоктогон жашка айлана,
Сагынуулар менде басылбай.
Самара Каримова — Уктатпачы мени, жазгы жаан тексти
Датасы: 30.09.2020 Көрүүлөр: 609
