Турмушумда качандыр бир өткөндөр,
Кайдасыңар, өмүрдөгү көктөмдөр?
Жарык кылып сезимимдин мейкинин,
Достук, сүйүү шоолаларын төккөндөр.
Кайдасыңар, кызгалдактуу,
Кызгалдактуу көктөмдөр?
Ал из узап кете берет өрүлөп,
Тээ учунан сенин шоолаң көрүнөт.
Менде сүйүү, сени эңсеп сагынуу,
Көздөрүмөн жылдыз болуп төгүлөт.
Кайдасыңар, кызгалдактуу,
Кызгалдактуу көктөмдөр?
Мен да сенин сезимиңе из салып,
Калтырдымбы шооласындай жылдыздын?
Махабаттын бийик кармап байрагын,
Сагынычы боло алдымбы бир кыздын?
Кайдасыңар, кызгалдактуу
Кызгалдактуу көктөмдөр?
Нуриза Абазова — Сагынуу тексти
Датасы: 08.10.2020 Көрүүлөр: 849
