Толгонуп толкундаба, сезимдерим,
Тагдырга башымды ийген кезим менин.
Таалайсыз махабаттан өксүбөгөн,
Талантты сүйгөндөрдүн эсиндемин.
Буркурап боздой бербе, сезимдерим,
Базардан кайтып калган кезим менин.
Бааласын-баалабасын башка бирөө,
Баркымды билгендердин эсиндемин.
Кайгырып, капаланба, сезимдерим,
Карайлап жүдөп турган кезим менин.
Кааласын-каалабасын башка бирөө,
Кадырым билгендердин эсиндемин.
Сыйласын-сыйлабасын башка бирөө,
Ырымды билгендердин,
Сырымды билгендердин эсиндемин
Баркымды билгендердин эсиндемин.
Кыргызбай Осмонов — Баркымды билгендердин эсиндемин тексти
Датасы: 12.10.2020 Көрүүлөр: 39061
Даггы коп кыргыз ырларын жуктогулочу сураныч
Сонун ыр экен
жакты сонун экен
Ассолому алейкум тууганым
Жакшы ыр саптарын чыгарыныздаар.
Ийгиликтер каалаймын.
Обону кимдики
Биздин уйдун гимини атам аяабай жакшы ырдайт
Биздин уйдун гимини атам аяабай жакшы ырдайт