Эскерем түндө жылдыз санаганды,
Эскерем таңкы Үркөр тараганды.
Сезимди өрттөп кеткен ал күндөргө,
Биле албайм, кайрадан мен бир бара аламбы?
Мейли мен карап турсам, көздү жумсам,
Ар дайым элестейсиң бассам-турсам.
Жетпедим канча азап чексем дагы,
Жетпедим канчалык бийик колду мен сунсам.
Баш ийдим тагдырымдын салганына,
Айта албайм арманымды эч адамга.
Ишенбейм, бирок сүйүү жок дегенге,
Ишенбейм махабаттын жазганына.
Билинбей өтүп кеткен ал күндөргө,
Биле албайм, кайрадан мен бара аламбы…
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
