Ойлосом сыздап ичимден,
Оюмда да жүргөн кишим сен.
Сүйкүмүң, ай, көздө, жүрөктө,
Сүйүүмдү мен кантип билгизем?
Жаштыктын кандай учуру,
Жалындап күйөм утуру.
Деңиздей ташкан сүйүүнүн,
Деги укмуш, ай, тура кызыгы.
Өзгөчө сүйүп, жалжалым,
Өзүмдү мен сага арнадым.
Өчпөстөн жансын махабат,
Өзүң бил, ай, эми ары жагын.
Өзүң бил, ай, эми калганын.
Лира Райымбекова — Өзүң бил тексти
Датасы: 21.10.2020 Көрүүлөр: 2169
