Сүйүнүчтү убакытта турабыз бүгүн
Мөл булактай тилектерди угабыз бүгүн
Ачылсын деп бактысы айтылсын кеп жакшысы
Көптөн бери күтүп жүргөн кубаныч бүгүн
Көптөн бери күтүп жүргөн той дагы бүгүн
Кайырма:
Жакшылыкка чогулду асыл адамдар
Жан дүйнөгө жакын адамдар
Жан катары тилек айтып батасын берет
Жаз күнүндөй жадырагандар
Өтсө дагы убакыт өмүр көчүн улашып
Жүрөктөрү эч бир качан карыбагандар
Ырыс дөөлөт ак өргөсү куралсын дейбиз
Улуу-кичүү черин жазып кубансын дейбиз
Ага-тууган досторуң жагып көңүл отторун
Жакшылыкка жакшылыктар улансын дейбиз
