Нурайым — Кемин

Көркү сонун суктандырган Кеминди
Байлыкка бай ыйык ушул жеримдин
Жалын жүрөк камтылган жаштары
Очогу сен бүт максаттуу сезимдин

Кайырма:

Кемин Кемин
Хандар бийлер чыккан жер
Кемин Кемин
Булбул үнүн уккан эл
Карагай төр көрк берип
Улар сайрап учкан жер

Ажалындай желдей ойноп жигиттер
Учкун болуп удургуган сезимдер
Аксакалы ак тилектен бата айтып
Сылык сүйлөп сезимталдуу энелер

Ар бир таңда самоорлору кайнаган
Арууланып дасторкону жайнаган
Жаркылдаган шайыр мүнөз женелер
Кылым бою өз учугун улаган