Бөбөлөп бакканым балапаным
Бой тиреп жетилип канаттарың
Тууруңа бүгүн биз узатабыз
Багыңды ачса экен жаратканым
Тууруңа бүгүн биз узатабыз
Бак берсин жаратканым
Кайырма
Акжолтой асыл бол алганыңан
Кулпуруп ак гүлдөй жайнагың да
Бой жетип башка үйгө кеткениң менен
Биз үчүн сен таттуу баласың да
Сыйлагың акылдуум барган жериң
Сый артып даңкталсын ата тегиң
Бак тилеп бөбөлөп бала күндөн
Тилеги ушул го ата-эненин