Татымың тоонун балы, Аселдейим,
Сүйөмүн, балким, алыс сезилбейин.
Арзуумду аягандай туюлармын,
Ичимден канча сага эзилбейин.
Кайырма:
Эзилбейин, эзилбейин, Аселдейим,
Тоо булагы аккандай,
Алма бүчүр ачкандай,
Айга Чолпон жаккандай,
Мен сени сүйөм.
Жаздын таңы аткандай,
Булбул гүлүн тапкандай.
Айга Чолпон жаккандай,
Мен сени сүйөм.
Жыпарың тоонун балы, Аселдейим,
Түшүнүп, ишен, башка эмне дейин?
Түбөлүк эриш–аркак бололу бир,
Жоготуп такыр сени издебейин,
Издебейин, издебейин, Аселдейим.
Кайырма:
Тоо булагы аккандай,
Алма бүчүр ачкандай,
Айга Чолпон жаккандай,
Мен сени сүйөм.
Жаздын таңы аткандай,
Булбул гүлүн тапкандай.
Айга Чолпон жаккандай,
Мен сени сүйөм.
Эн соонун
Жеңил жазылган,бирок жагат ырлары.