Күлүк аттай таптадым качпагын,
Изиң менден жашырып катпагын.
25 жаш сен үйүмдүн коногу,
Кенен отур, саат карап шашпагын.
Кайырма:
25, 25 сүйүү багы бышкан кез,
Сезим гүлдөп сересине чыккан кез.
Ысык кез, оттой кез, темир ийчү чоктой кез,
Тагдыр ташың өйдө кулап турган кез, турган кез.
Убактың тар билем аны мен дагы,
Убайланып сездиң аны сен дагы.
Ар мүнөттү тек өткөрбөй жан курбум,
Сырдашалы, ырдашалы кел дагы.
Кайырма:
25 жаш алыстадың, узадың,
Жылтыраткан булагыңа суусадым.
Жылдыздарды жүрсөң керек аралап,
А мен калдым арасында кусанын.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
