Ак сүйүүгө болдум күбө
Кудача кыз сени көрдүм түндө
Көңүл буруп карабадың мага
Эстей берем ошол түндү күндө
Сезимдерим сересинде калды
Сезбей аны түшүнбөдүң жаным
Махабаттын жалындаган оту
Өчпөйт эми жалындатат дайым
Кайырма:
Кудача кыз гүлүм ай
Сени сени сүйдүм ай
Тийишесиң башкаларды жандап
Бир өзүң деп жүрсөм ай
Гүлү гүлү гүлүм ай
Сени сени сүйдүм ай
Макул болсоң өзүң менен
Айылыма алып кетем ай
Ошондогу көз карашың эстейм
Ай булутту аралаган кечте
Көздөп өтүп жүрөгүмдү козгоп
Кайра аны теңсинбейсиң неге
Кудача кыз айылыңа барсаң
Издеп жүрүп бир өзүңдү тапсам
Колумдагы кызыл гүлдү сунуп
Түбөлүккө жубай кылып алсам
