Бар тарабым бир гана сен жыттанып,Бажырайган көздөрүңө суктанып. Бакытымдай мүнөт сайын сени эстейм,Баскан изиң башкалардан кызганып.
Жылдыз болуп көзүң турса күлүңдөп,Уктай албайм бүткөн боюм дүрүлдөп. Булбул бактан түнү бою тил безейт,
Бул дүйнөнүн ырахаты сүйүү деп.
Бирин-бири көрөйүн деп батыраак,Гүлдөр гүлгө арзуу айтып ачылат.
Сенин шаңдуу шаркыратма сыяктуу,Шайыр күлкүң уксам жарпым жазылат.
Өзүңө деп гүлдөр терип адырдан,Ырлар окуйм өзүңө деп жазылган. Кайсы күнү сылаарымды билбеймин, Желден башка сылабаган чачыңдан.
Гүлжигит Калыков — Гүлдөр гүлгө арзуу айтып ачылат… тексти
Датасы: 10.10.2020 Көрүүлөр: 560
1 чи Like басыңыз.
