Апакем асманым, ак таңым,
Мен ага эң бийик аскамын.
Ушунум жакшы адам болсун деп,
Арнаган күлгүндөй жаш чагын.
Апакем деңизим чалкыган,
Мен анда кемемин калкыган.
Ал үчүн ак кызмат аткарып,
Ак бата алсам дейм калкыман.
Энени эч капа кылбайлы,
Энени даңктайлы, ырдайлы.
Энелер биз үчүн картаят,
Энени түбөлүк сактайлы.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
