Назира Кадыева — Менин жылдызым

Садагам менин жылдызым,
Таалайга бүткөн нур кызым.
Эл кызы болуп өсө көр,
Алдейлеп сүйсүн кыргызым.
Апалап мени сагынба,
Окуюн бурул чагымда,
Өнөрдүн чечсек түйүнүн,
Булбулдар сайраар багыңда.
Бала бир бакыт гүлүм го,
Балбылдап чыккан күнүм го.
Өбөктүү эрмек, жарп ачар,
Өмүрдө да таңгыс үнүм го.
Перзенттер, бооңор бек болсун,
Бейпилдеп жаңы шаар консун.
Шаанилүү турмуш даркандап,
Билимдүү менен эл толсун.