Сүйдүрдүң сүйкүм жамалың менен
Күтөмүн дайым карааныңды мен
Түшүнчү жаным абалымды сен
Күндөй жаркыган жанарым белең
Кайырма:
Жагымдуу сезим жалындуу кезим
Жашоомдо күткөң жаным эгизим
Жанашып бирге кечели бакыт
Кечели бакыт деңизин
Махабаттыма мас болуп турам
Жан дүйнөм эргип жаз болуп турам
Кыйнаба эми жанымды улам
Кааласаң көктөм айымды сунам
Жаз күнүм болдуң жомоктой келип
Чаңкаган жанга чын сүйүү берип
Өзүңдөн барам бакытты сезип
Кетели бирге дүйнөнү кезип