Ак куудай түнөгүңдө,
Ак тилек жүрөгүмдө.
Билели баркыбызды,
Бир келген бул өмүрдө.
Кайырма:
Кел, достор, той кылалы,
Көл болуп толкуналы.
Өмүрдүн өксүк жерин,
Ыр менен толтуралы.
Күнгө окшоп келгин кушка,
Күлгүн кез, эң бир кыска.
Туралы тартуулашып,
Тузу кем бул турмушта.
Таарынычың койчу нары,
Таалайга кол суналы.
Тагдырдын тайкы жерин,
Ыр менен толтуралы.
Кеткенге, кейибейли,
Кечикпей кел бийлели.
Бири кем жалган дүйнө,
Биз эми кемибейли.
Боордоштор отуралы,
Болбосту болтуралы
Көңүлдүн өксүк жерин,
Ыр менен толтуралы.
Венера Сатылганова — Дил кайрык тексти
Датасы: 02.10.2020 Көрүүлөр: 994