Ойноп, жыргап күлө албай,
Өмүр баркын биле албай.
Өтүп жатат өмүрүм,
Тагдыр, сага тил албай.
Оору болуп, кор болуп,
Кайран өмүр шор болуп.
Кайран дос,
Өмүрдүн баркын биле албай.
Аа, кургур тагдыр, тил албай.
Жер энеден жаралып,
Кайра жерге барабыз.
Ажал келсе бир күнү,
Акыр өлүп каларбыз.
Жараткан, оо, Жараткан,
Адамзатын тараткан.
Кайран дос,
Өмүрдүн баркын биле албай.
Аа, кургур тагдыр, тил албай.
Колдон келсе сыйлашып,
Жүргөн жакшы ырдашып.
Кереги эмне өмүргө,
Бир келген соң чырдашып.
Жараткан, оо, Жараткан,
Адамзатын тараткан.
Кайран дос,
Жардамга, достор, келе көр,
Кудайым, шыпаа бере көр.
Айтчы, биз эмне табабыз?
Акыры кетип каларбыз.
Өктөм Сапар уулу — Досума каалайм ден соолук тексти
Датасы: 14.10.2020 Көрүүлөр: 330
