Атыңды угуп алыстан,
Айылыңдан чоочуйм барыштан.
Ашыктык оту желимдей,
Ансайын мага жабышкан.
Аман бол кайта көргөнчө,
Асылкеч курбум, Даанышман.
Азабы калбас жүрөктө,
Арзыган күнү таанышсам.
Кабарың угуп алыстан,
Калкыңдан чоочуйм барыштан.
Ашыктык отун күйгүзүп,
Кайгыртып мага жабышкан.
Кош болгун кайра көргөнчө,
Кадыркеч курбум, Даанышман.
Капасы калбай жүрөктө,
Каалаган күнү таанышсам.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
