Райкан Абдувалиева — Нооруз

Ала–Тоо жерин жердеген,
Ак калпак кыргыз эл деген.
Ар улут, элдин өкүлү,
Шаң менен Нооруз кел деген.
Кел, Нооруз, келчи кол сунуп,
Шөкүлө кийип жаз болуп.
Балкысын аппак пейилден,
Кайрылып келсин жаз болуп.
Кайырма:
Кел, Нооруз, келгин жаз менен,
Жаңы жыл деген ат менен.
Береке толгон той болсун,
Бакытка балкып, шат менен.
Ар балээден сак кылгын,
Ар күнөөдөн жок кылгын.
Аластап билик кылалы,
Пейилди бүгүн ак кылып.
Сүмөлөк тартуу — жөрөлгө,
Сүйүнөт эне ар үйдө.
Сүйүүнүн коштоп ырларын,
Бере бер, Нооруз, береке.
Кайырма: