Жолукканда турдум көпкө карай албай,
Өзүмдү өзүм коёрго жер таба албай.
Өзөгүмдөн оргуп чыккан сүйүү окшойт,
Көздөрүңдөн көздөрүмдү ала албай.
Кайырма:
Коргошундай эрип кеттим тимеле,
Бейтааныш жигит, аты-жөнүң ким эле?
Жаралабы сендей сулуу ааламда?
Мөлтүрөгөн ай, көздөрүңдү ий,
Көрсөм экен бир эле…
Тартынамын сен тарапка барышка,
Тагдыр экен чыдап күйүү намыска.
Бир көрүнүп, кетип калдың тез эле,
Карааныңды мен узаттым алыска.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
