Сыгылып, арман кылып, кыялданам,
Сүйүүдөн жолум болбой кайгыланам.
Үмүттүн бир учкуну сенде беле,
Ырларымда өзүңдү медер тутам.
Черткилеп жүрөк кылын обон салып,
Сырымды ырларымда чагылдырам.
Көзүмдөгү нурлардын жылуулугун,
Туптунук махабатым тартуу кылам.
Кайырма:
Сага деген ак сүйүүмдү жаным, сезсеңчи,
Жан эркем түбөлүккө сен колуңду берчи,
Жараланган жүрөккө дем берсеңчи.
Сага деген ак тилекти жаным сезсеңчи,
Жан эркем түбөлүккө сен колуңду берчи,
Алоолонгон сезимге жеткирсеңчи.
А балким сыноосудур тагдырымдын,
Ичимден арман кылып жаш кылгырдым.
Жолума тузак коюп, кишен салып,
Торуна чалыныпмын махабаттын.
Сүйүүмдү түбөлүккө даңктай берем,
Өзүңө ырларымдан арнап келем,
Көргөн кезде алыстан карааныңды,
Карегимди ала албай карай берем.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
