Күнүгө ойлоп сагынып
Күтөмүн өтө зарыгып
Караның көзгө көрүнбөй
Калдыңбы мага тарынып
Тамаша бүткөн кыялым
Тартамын сен деп убайын
Табылып жаштык дарысы
Таркаса боло кумарым
Кайырма
Балбылдаган көзүн карагат
Жүрөгүм сени сагынат
Жүрөлүчү кол кармашып
Кумдуу жээктүү көлдүн боюнда
Эрмектеп карап сүрөтүң
Эскерип нечен күн өттү
Эркелеп айткан сөз үчүн
Эзбесең боло жүрөктү
Жаш кезде кетет жаңылыш
Жарабайт жаным тарыныч
Жанаша келчи жаныма
Жазылсын күткөн сагыныч
