Жан койбой тереземе келе берип,
Боз торгой талбай сайрап безеленип,
Ашыгын жоготкондой өксөөсү бар,
Жашыдым бир сезимдер эске келип.
Сайрады үйдөн кетпей тегеренип,
Таңдагы үнү бүтпөй эбеленип.
Арман, ай, сен да мендей жан окшойсуң,
Арбадың жүрөгүмдү эзе берип.
Боз торгой, боздогон бир боз торгоюм,
Бошотуп муун-жүндү козгобогун
Боору соо бул дүйнөдө ким бар дейсиң,
Болдучу, жүрөктү эзип боздобогун
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
