Ааламды жеке билсе да,
Алтындан үйгө кирсе да,
Асманда жылдыз аралап,
Бакытка тойбойт адамзат.
Сагынтып дайым турса да,
Кусалык бакыт сунcа да,
Жылуулук сезим аралап,
Сүйүүгө тойбойт адамзат.
Кылымды кыйла көрсө да,
Кызыкты өзү бөлсө да,
Кырчындай жаштан айрылып,
Өмүргө тойбойт адамзат.
Жанында өмүр турса да,
Жалтантып кылыч сунса да,
Ирмелбей көзү тунса да,
Үмүткө тойбойт адамзат.
Бакытка тойбойт адамзат,
Өмүргө тойбойт адамзат.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
Оба жакты ✊✊✊
жакат Айана