Ак марал болсо атканым,
Асылкеч болсо тапканым.
Өзүңө көөнүм эң кызык,
Өзгөчө мен да башкамын,
Отуздан ашсам мейличи,
Оолуксам он беш жаштамын!

Көк тулпар болсо мингеним,
Көк чатыр болсо киргеним,
Кучагым жайып, кубанып,
Кумаркөз болсо сүйгөнүм.
Арзыган сизге мен үчүн,
Артыгы ушул дүйнөнүн,
Жаманга колум артканча,
Жакшыга жакшы күйгөнүм.

Жылдыздан болсо панарым
Жибектен болсо танабым..
Күүлөнүп күндө шилтөөгө,
Күмүштөн болсо каламым,
Кадыры бийик сен үчүн
Капкайдан сөздү табамын!
Кырк бештен ашсам мейличи,
Кыялымда баламын!

Чабалдар жеткис бел болсом,
Чалкыган терең көл болсом.
Кайратым жыйып боюма,
Каптаган кыян сел болсом.

Агарган таңдын алдында,
Бетиңден сылар жел болсом,
Эмине болсом оюнда,
Ошонун баары мен болсом…
Баарынан кечип кетейин
Бир башыңа тен, болсом.

Топ 10 популярдуу ыр

Ырдын атыLike саны
Азиза — Көк жылгаяк тексти439
Азиз Батыров — Алга Кыргызстан тексти405
Самара Каримова. Жаңы жылды тосолу тексти жана mp3285
Гүлназ Чыныбек кызы — Жолуксак кандай жакшы тексти241
Дилбар Райымбекова — Көл кечи117
Самара Каримова. Мен дүйнөнү апам менен тааныгам тексти112
Нурлан Насип - Эне тилде сүйлөйлү тексти111
Айпери Кулбаева — Апакем тексти109
Самара Каримова - Менин атам жакшы адам тексти95
Кутман Жолдошев — Туулган айылым тексти80

Сизге жактыбы? Комментарий жазыңыз

Сиздин email адрес жарыяланбайт.