Жүзүң ачкан кызгалдактай, чырайыңа кагылайын,
Жүрөгүмө сүйүүм батпай, мезгил өткөн сайын.
Ажары болуп үй-бүлөмдүн, жанасың ар дайым
Жалгызым менин сүйгөнүм, кудай кошкон жубайым.
Кайырма:
Айланам кенен, арбалып келем,
Арманым болбос өзүң менен.
Махабат чексиз, ачык асман,
Жалжалым билсең, жалгызымсың сен,
Жанымда бол сен айрылбастан.
Сени мага жолуктурган, жаратканга табынамын,
Өзүң менен турмуш курган, өмүрүмө дагы
Ортодо көргөн перзенттердин бактысына бар болуп,
Аман-эсен жүрө бергин, мен сүйгөн жар болуп.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
