Достор тобу — Нооруз

Тамырларга жылуулук келип кайра
Тай кунандай туйлашат суулар сайда
Ар бир үйгө тартуулашып тазалыкты
Ар бир үйгө кол сунат Нооруз майрам

Кайырма:

Алас-алас ар балээден калас
Эски жыл кетти жаңы жыл келди
Жакшылыкка жар бол
Кырманга толо дан бол
Алас-алас ар балээден калас
Сүмөлөк сүмөлөк сүмөлөк жегиле
Ак бата ак бата ак бата бергиле
Бак тиккен багбанга баба дыйканга
Жана да жана да жана да кыргыз элиме

Алкым бүтүп кубанып кабарына
Чаң жукпасын таптаза кабагыңа
Актилектей айылыма кел Ноорузум
Аппак шоола төгүлсүн кадамыңа

Саманчынын жолундай сагындырбай
Айлар өтүп жыл толуп келди кайра
Ала-Тоонун ичинде айылыма
Аруулуктун өзүндөй Нооруз майрам