Конокко куш келипсиз, кудача кыз,
Бийлеңиз, ырдасаңыз кубанабыз.
Жарк эткен айдай болуп, күндөй болуп,
Жылмайып коюңузчу, суранабыз.
Кудача кыз,
Биз менен качан болот тамашаңыз?
Биз менен качан болот тамашаңыз?
Байландым упузун, ай, чачыңызга,
Укмуштай капкара экен кашыңыз да.
Калбайбы көңүлүңүз биле албадым,
Суктанып жакын барсам жаныңызга.
Кудача кыз,
Биз менен качан болот тамашаңыз?
Биз менен качан болот тамашаңыз?
Супсулуу кара көздүү кудача кыз,
Сиз үчүн керек болсо кыр ашабыз.
Көтөрсөк көкүрөктү кечиресиз,
Жакшылап карап көрүп бааласаңыз.
Кудача кыз,
Биз менен качан болот тамашаңыз?
Үйүңүз Ала-Тоонун этегинде,
Коштошуп гул берейин кетериңде
Узатсам кандай сонун болор эле,
Беттен сүйүп үйүңүзгө жетеримде.
Кудача кыз,
Биз менен качан болот тамашаңыз?
Биз менен качан болот тамашаңыз?
