Сенсиң менин торгоюм,
Суук көздөн коргоюн,
Качан болсо жаныңда
Калпым болсо оңбоюн
Сенсиң менин торгоюм
Гүлдөй болуп соолбоюн
Ысыгыңа жылытчы
Суугуңа тоңбоюн
Менин сулуу торгоюм
Күндө-түндө ойлоймун
Ишенип кой өзүмө
Калпым болсо оңбоюн
Менин ырчы торгоюм
Жолугууну болжоюн
Алтынчы күнү кадыр түн
Мен кабар күтөм болжоюн
Сен торгоюм сүйгөнүм
Арнап өмүр гүлдөрүн
Бир басалы гүл бакта
Тыңшап торгой үндөрүн
Ырахат го жаш кезек
Күлүп-ойноп жүргөнүң
Саймалайлы жылдыздай
Бул жашообуздун күндөрүн
Жалын болуп чаркылдап
Чагылгандай чаркылдап
Көл үстүндө ойногон,
Ак булуттай калкылдап
Канат күүлөп күү чалып
Ойноп-күлүп жаркылдап
Кадырлашып өтөлү,
Көңүлдө кир калтырба
Көңүл куруп күү чалып
Күлүп-бийлеп үн салып
Менин сүйгөн торгоюм,
Эмгек жолун бир чалып
Айыл ичин гүлдөтүп
Обон созуп ырдашып
Жаркылдаган жаштык кез
Кете электе кырды ашып
Өмүр суусун кечели
Жалгыз сырды чечели
Ак таң болуп нурданып
Аппак гүлдү терели
Ак нан болсо ыр болот
Сүйүп дайым жешели
Ден соолукта каткырып
Соо жүрөлү дешели.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
Сонун