Сен кызыл гүл жайнаган,
Мен булбул бакта сайраган.
Сен бир панар, мен паана,
Жарыгың тийсе жайланам.
Кылчайып булбул конууга,
Кызыгат кызыл гүлүңө.
Бурулуп кулак сала жүр,
Булбулдун мукам үнүнө.
Сен пароход көлдөгү,
Мен кемечи, айдаган.
Баш кошуп жаңы жетерде,
Багымды толкун байлаган.
Күлүп өт, гүлүң бар чакта,
Күйүттү бойго таркатпа.
Бурулуп бакта сайраган,
Булбулдун тилин чарчатпа.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
Кыргыз жери