Атаке турмушта таяп турар тирегимсиң
Тек өзүң тагдырыма күйөрүмсүң
Апакем мээримиң жылындырат бороондордо
Карабай эркелеймин чоңойгонго
Кайырма:
Атаке узак өмүр сүрсөң экен
Апаке түк кайгырбай күлсөң экен
Кудайым ата-энеме өмүр берип
Кашымда аман-эсен жүрсө экен
Атаке сүрөнүң дем күч берип колдойт мени
Ак батаң жамандыктан коргойт мени
Апаке сөздөрүн канат берет учканыма
Карабай алга жөнөйм бүт баарына
Атаке карааның үйүбүздүн чеби сындуу
Каалабайм эч убакта кейишиңди
Апаке ак сүтүң адамдыка үндөйт билем
Ааламда сендей эч ким күйбөйт билем
