Айта турган сөзүм бар сага
Укчу досум көңүл бурчу мага
Алыс жерге аттанып кеткем
Ачка болуп акча жок убакта
Азап көрдүм жашымды төктүм
Мен көргөндү сен көрбөй өткүн
Өзүмө окшогон жетимдер менен
Өлбөстүн күнүн бирге өттүм
Кудай деген кур калбайт билем
Бирок кайсы Кудай мени менен?
Кайырма:
О-оо, Жараткан!
Жалбарам, жарык бер!
Баратам, сени издеп,
Караңгы жол менен.
О-оо, Жараткан!
Жалбарам, бакыт бер!
Пендеңе, элинен,
Аргасыз адашкан.
Байлык издеп башка жерлерден
Бакыт издеп башка элдерден
Башка калктын жараны болдуң
Башты тарттың үйгө келгенден
Балдарыңар тилин унутту
Билсе экен кыргыз улутун
Билинбестен миңге чачырап
Болбосо экен дилин унутуу
Өзгө элде өз болсоң деле
Өскөн жерге өлүгүң келет.
Кайырма:
Бүгүн ачка, эртең ток болор
Бүгүн байсың, эртең жок болор
Бүгүн үйдөн алыс кеткендер
Бир күн буйруп кайра топтолор
Бүгүн эмес эртең бүт болор
Бүгүлбөгөн элге күч толор
Мага окшогон миң деген кыргыз
Мекенине кайтып кут толор
Кудай деген кур калбайт билем
Кур намысты курчанып жүрөм
Кайырма:
ПДД Кыргызстана 2021
