Ниетимди өзгөртүп өзүм үчүн,
Элесиңди туу кылып жүрөм бүтүн.
Окшоштукту мен сага таппай келем,
Канча айланып, кыдырып дүйнө жүзүн.
Куса болуп ой келет түркүн мага,
Күлмүңдөгөн көздөрүң сүйкүм мага.
Күйүттүү бир илдетке чалдыгыпмын,
Күлүп коюп сен менен бир түн гана.
Эх, билбепмин, мынчалык сүйөрүмдү,
Бир өзүңдү туу кылып жүрөгүмдө.
Алсыратып, ансайын мыжып келет,
Айлап, жылдап бир ооруу жүрөгүмдү.
Венера Назаралиева — Сагынуу тексти
Датасы: 30.09.2020 Көрүүлөр: 406
