Кандай жашап кандай жүрдүң
Барбы элге берээриң
Кайра өмүрдү жаша десе
Сүйүү үчүн келээрмин
Токто өмүр токтой турчу
Сендей кез менде эми
Тирүүлүктү сүйгөн үчүн
Кумар канбай келеммин
Кандай сыноо болсо дагы
Көтөрөмүн пендемин
Адам деген улуу атты
Бийик тутуп келгенмин
Сактап берген урпагына
Бак-дөөлөттү мурасты
Ак белинен багын тапкан
Кыргыз деген элденмин
Токто өмүр токтой турчу
Болсо өчүң суранам
Жашоону мен сүйгөн үчүн
Ар бир күнгө мен кубанам
Огу болуп тартылсам дейм
Тагдыр жазган жебенин
Санжырасы болсом деймин
Барктуу кыргыз элинин