Жаным менин кызым
Жароокерим кызым
Жамалыңа жарашкан
Жанып турат жылдызың
Кызым кызым кызым
Сен төрөлдүң жаралып
Сезимге нуруң таралып
Учасың кызым ак куудай
Ууздай таза балалык
Бүгүн көздөн жаш тамып
Бойго жеттиң кызыгы
Башка үйгө жар болуп
Баратасың аттанып
Узатабыз кучактап
Урматтап турсаң ызыттап
Сендей кызды ыйгарган
Жаратканга ырахмат
Күйөө балам колуңа
Тапшырдык сулуу кызымды
Алган жарыңды барктап ал
Аймончоктой кызымды
Кызым кызым
Алганыңдын жары бол
Ак өргөңдүн шамы бол
Белин ийип чай сунган
Берекенин ары бол
Ата сөзүн керек кыл
Апа сөзүн себеб кыл
Кудаларды кубанткан
Көп небере белек кыл
Күйөө балам жүз жылдык
Кудаларым миң жылдык
Барктап алгын кызымды
Келин эмес кыз кылып
Колуңар такыр жанбасын
Кызыктуу жашоо жандасын
Бактылуу жаным болгула
Баарын кудай жалгасын
Тотомидин & Сурма — Кызым тексти
Датасы: 07.01.2023 Көрүүлөр: 3954
Сонун ыр чыгарыпсыздар ийгилик жаны ырлар кутобуз дагы.