Күтүүгө чыдамым аз көрүнөмүн,
Күйүттүн ызасына чөмүлөмүн.
Алыстап кетсең дагы маңдайыңа,
Асмандан жылдыз болуп төгүлөмүн.
Ашыгып тоо суусундай чамынамын,
Ар дайым сен тарапка агыламын.
Алыста, жакын жерде жүрсөң дагы,
Ар дайым ак маралым, сагынамын.
Саргайтпай ачык жообун бересиңби?
Сагынып медер кылам элесиңди.
Таңдагы тармал бутак болгум келет,
Талпынып, чертип турган терезеңди.
Саламатсыздарбы! Ишиниздерге ийгилик каалайм. Менде бир сунуш бар ырлардын авторлорун жазып койсонор ото сонун болмок. Чон ырахмат!
Саламатсызбы! Ырлардын авторлорун билсеңиздер жазсанар биз кошуп коебуз. Рахмат.
«Ак маралым» автор:Турар Кожомбердиев