Сырдашкым келет жаныңдан,
Сылагым келет чачыңдан.
Купуя айтсам билбейсиң,
Жыттагым кетет жытыңдан.
Азгырат көзүң сүзүлгөн,
Сүйгүм бир келет жүзүңдөн.
Кусага толуп жүрөгүм,
Кыйналып жүрөм сүйүүдөн.
Жолукпай кетсең кыйлага,
Жан дүйнөм чөгөт санаага.
Жүрөгүм эңсеп өзүңдү,
Кыссам деп сени кучакка.
Гүлзат Батырканова — Кыйналып жүрөм сүйүүдөн тексти
Датасы: 20.10.2020 Көрүүлөр: 1865
