Мына бүгүн дасторконду жайгыла
Сөз болбосун бүгүн бизде кайгыга
Үй төрүнө дос туугандарды чакырып
Тапканыңды тизип койгун алдыга
Мына бүгүн таарынганды койгула
Тырышпастан куйруктуу кой сойгула
Сөз бергенмин уул бала болсо деп
Мен чачылам досторум бир тойгула
Кайырма:
Бали бали баласына бали
Бали бали атасына бали
Бали бали апасына бали
Бали бали баарысына дагы
Атасы да молодец
Мына бүгүн шампандарды аткыла
Биздин үйдө бүгүн майрам каткыра
Укпай калган аяш-ата апаңа
Жүгүрүп алдап сүйүнчүлөп шашкыла
Шарап ичип бүгүн достор күлгүлө
Жигит бол деп тост айткыла сүйгүлө
Жылтыраган жылан жылда төрөлгөн
Кубанычтуу күндү эстей жүргүлө