Көп кыздын арасынан өзүң гана,
Көктөгү жанып турган чолпон элең.
Кокустан чаң жугузуп аламбы деп,
Колумду тийгизгенден коркор элем.
Көп кыздын арасында балбыл жанып,
Көздөрүң жарык чачкан жакут эле.
Ар дайым аппак жүзүң жаркыратып,
Күлгөнүң бир мен үчүн бакыт эле.
Жаштыкта кимдер гана жаңылбасын,
Жанымда жок болсоң да жадымдасың.
Эңсеймин, бирок сага жетмек кайдан,
Бар болгун бажырайган карындашым.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
