Алтыным, жүрөгүм, жаным, турагой о, кагылайын,
Турагой күн тийип жарык, керемет аба ырайы.
Аракеттин берекети үзүрүн берет ар дайым,
Үзүлбөгөн ынтымакта жаркырасынчы маңдайың.
Кейибейли, кайгырбайлы, бул деген жөн гана байлык,
Бир күн келет, бир күн кетет, аны көңүлгө албайлы.
Кел, турагой андан көрө, жумушуңду көздөй жөнө,
Өз сүйгөн ишиңди кылып, көңүлүңдү бийик көтөр!
Кайырма:
Тур, турагой кыргызым турагой!
Чын дилиңден аракетиң кылагой! (Тур!)
Ар бир күнүң майрам, сен ошону билип жүр,тур!
Көк жарык аппак, чөйрө дарак-бак,
Жашоо ырахат, турагой калайык калк.
Кадырлуум, кайгы-муң, жолобосун эч кимге,
Таң аткандан кеч кирген убакты жөн кетирбе.
Тегеренип, жер айланып, ашпай туруп чек араны,
Ар бир ниетиң, максатың орундалсын кыялдагы.
Кел, турагой андан көрө, жумушуңду көздөй жөнө,
Өз сүйгөн ишиңди кылып, көңүлүңдү бийик көтөр.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
