Жан адам махабаттан айрылбасын,
Жан сыздап, жашын төгүп кайгырбасын.
Жаныма батып барат сагынычым,
Жарк этип чыга келчи, жан курдашым.
Кайырма:
Узаба менден, узаба,
Алдырып коём ызага.
Учуруп бакыт кушумду,
Узаба менден, узаба.
Башка жан түштү беле назарыңа?
Баспайсың баштагыдай катарыма.
Таалайым, таштабачы, суранайын,
Тайгак жол, татаал тагдыр азабыңа.
Кайырма:
Кезинде сезбептирмин кадырыңды,
Келемин эңсеп шоола жарыгыңды.
Өмүрдүн өрттүү кезин бүт арнаймын,
Өчүрүп албас үчүн жалыныңды.
Кайырма:
Элиза Орозова — Узаба тексти
Датасы: 29.10.2020 Көрүүлөр: 416
