Кымбатым менин, кыйноого салсам кечирчи,
Кылгырат көзүң, кыйбасым жаным десинчи.
Кылчактап араң узадым сенин жаныңдан,
Карап тур эми таарынтпайм сени экинчи.
Таптаттуум менин, таарынтып койсом кечирчи,
Түшүмө кирди тунжурай түшкөн кезиңчи.
Таң атпай, узак болду окшойт ошол түн дагы,
Таптакыр эми таарынтпайм сени экинчи.
Сагынчым менин, санаага салсам кечирчи,
Саналуу кеткен элесиң жанды эзилтти.
Эркелеп сүйүп жыттагым келет жытыңды,
Жыргалым, бүттү, таарынтпайм сени экинчи.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
