Тамашама ой жүгүртүп,
Жаштар, кулак түргүлө
Үналгыдан сүйлөп жатам,
Тааныгандар күлгүлө.
Комуз чертип отурамын
Микрофондун тушунда.
Ырды жазып жаттап алгам,
Сөздөр тилдин учунда.
Обон менен бийлетемин,
Ишенбесең угуп ал,
Комуз чертип тердетемин,
Добулбастар менде бар.
Ырдап берем ушул ырды,
Анча-мынча калчаган,
Ачайынчы маанайыңды
Жакшылыкка камдаган.
Бул жыштыкты сен кармадың
Ананайын, угарман
Кайсы жерде жүрбөсөң да
Кыргызстанга тараган.
Үналгынын угулушун
Бир аз, досум, көтөргүн,
Денең чайпап козголсо
Ыргагыма чөмүлгүн.
Биз, кыргыздар конокчулбуз,
Дос күткөндө кеңпейил.
Ошондуктан баарын чачып,
Болбойт бизде ичте кир.
Мактанабыз мактасын деп
Таш сынганча ышкырып,
Анан баары түгөнгөндө
Отурабыз үшкүрүп.
Кайырма:
Айдаганың беш эчки,
Ышкырыгың таш жарат.
Кыялданып ойлонгонуң,
Баары болот шоколад.
Айдаганың беш эчки
Ышкырыгың таш жарат.
Досуң келди, не кыласың
Чөнтөктү сыйпалап?
Газда бастек кайнаватыр,
Мейман чайды күтүп атыр,
Ушул ырды конокторуң
Уналгыдан угуп атыр.
Ошто гөштү бышырып,
Көк чайдан куйдуруп,
Ашты катта бастырып,
Чайканада каткырып
Эс алышат кыргыздар.
Ак калпакчан жылдыздар,
Тобокелге салгандар,
Сулуу жамал уул-кыздар
Шекшинип чактап
Жок болбосту тап, тап
Элдин сөзүнө калбастан
Карыз издеп чаптап.
Бул түйшүктү белге алсаң
Үзүлбөсүн ичеги,
Какшанып сүйлөгөнүм:
Карыз алган ичеби?
Биз кыргыздар конокчулбуз,
Дос күткөндө кеңпейил.
Ошондуктан баарын чачып,
Болбойт бизде ичте кир.
Мактанабыз мактасын деп
Таш сынганча ышкырып,
Анан баары түгөнгөндө
Отурабыз үшкүрүп.
Сатып жатам вентилятор,
Кимге керек карбюратор?
Арзан баага сипоратр,
Модулятор, симулятор,
Сынып калган экскаватор,
Таап берем терминатор,
Үйдө жатыр калькулятор.
Досум «келип калам» деп
Бишкектен чалыватыр.
Тата Улан — Айдаганың беш эчки тексти
Датасы: 29.10.2020 Көрүүлөр: 1801
