Алтыным көргөндө караныңды,
Азгырып бурчусуң жамалыңды.
Ал кезде чогу жүрүп ойлобопмун,
Арманда минтип ырдап каларымды.
Сүйгөнүм көргөндө караныңды,
Сүйдүрүп турчусуң жамалыңды.
Чогу жүрүп ал кезде ойлобопмун,
Чолпондой жалгыз сырап каларымды,
Чолпондой жалгыз таңга каларымды.
Кайырма:
Кош, сүйүүм
кош айтам сага жаным.
Кош, сүйүүм
Кош болгун, кошкун эми.
Кош, сүйүүм
Алгачкы менин туң сүйүүм.
Азыр мен көрө албай караныңды,
Арманда сенсиз сыздап каламынбы.
Алдырдым өзүңдү башка адамга,
Аттиң, ай кимге айтам арманымды.
Каалаймын бакыт кушун табарыңды,
Бактылуу өмүр сүрүп жашарыңды.
Сен эми өмүр бою бактылуу бол,
Унутпа сени сүйгөн адамыңды,
Унутпа сени сүйгөн бир адамды.
Кайырма:
Тотомидин Жолдошов — Кош, сүйүүм тексти
Датасы: 01.10.2020 Көрүүлөр: 1798
