Ак булут тоодо калкылдап,
Айдалып барат шамалга.
Булутка окшоп мен дагы,
Буулугуп жылам сен жакка.
Булутка окшоп мен дагы,
Буулугуп жылам сен жакка.
Тыңшасам мезгил шоокумун,
Кылымдын доошу угулат.
Жылт этип жарык из салып,
Жылдызым учат зуулдап.
Жылдызым менин өчпөгөн,
Маңдайга нурун таратып.
Өзүңдү ойлоп турамын,
Өмүрдөн өтүп баратып.
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
