Атыңдан кагылайын, алтын апа,
Алыста жүргөнүмө санаа тартпа.
Максаты ар бир жаштын билим алуу,
Азыркы гүлдөп турган ушул чакта.
Кайырма:
Алтын апа, болбочу капа,
Кызың үчүн санаа тартпа.
Алтын апа, кат жазам сага,
Сен мен үчүн санаа тартпа,
Алтын апа.
Күнүгө үйдөн чыгып жолду карап,
Келсечи деп жүргөндүрсүң күндү карап.
Максатым адам болуу дал өзүңдөй,
Элимдин керегине турган жарап.
Кайырма:
Күндө эстейм сенин туурук колдоруңду,
Ал колдор көрсөткөнсүйт жолдоруңду.
Оболоп жылдыз болуу — улуу максат,
Жетелеп иликтирет ойлорумду.
Кайырма:
Кыргызча mp3 каталогу: Ала-Тоо таңшыйт, жомоктор жана башка кызыктуу аудиолор жана текстер жыйнагы.
Мага жакты
Кайырманын эң акыры тачка болуу керек
Мага аябай жакты бул ыр аябай мыкты сонун