Эркелечи эркем менин эркеледиң
Эмне болду шашылдың не эртеледиң
Эртең кайтып келбээриңди билсең дагы
Эшигимди ачык таштап кете бердиң
Кайырма:
Жүрөгүмдө махабаттын деңизи бар
Деңизимде дал өзүңдөй эгизиң бар
Ал элесиң түбөлүккө мени менен
Ошундуктан бул жашоомдун деңизи бар
Кетпегенде олтурмаксың канатыма
Бармак элек сезимдердин жаннатына
Таза аруу сүйүүнү айтып жүрүп
Сен акыры жан дүйнөмдү канаттың аа
Күлкүчүмсүң күлүп койчу күлүп жүрчү
Талкаладың сүйүүбүздү сен ким үчүн
Ай жүзүндөн бакыт нуру жанып турчу
Кымбаттыгын ал күндөрдүн эми түшүн
