Бассам, турсам көз алдымда элесиң,
Эмгектенсем күчүмө күч бересиң.
Эки көзүң жанып турган чолпондой
Баатыр элим алпештеген мөмөсүң.
Күндөй күлүп күлө жайнап келесин,
Ойго бөлеп ойноок жүрөк денесин.
О, кара көз, оодарылбас, чайпалбас,
Бирге айдашсам жыргал күндүн кемесин.
Мүрөктөйсүң тоодон ылдый куюлган,
Жүрөктөйсүң турмуш сырын туюнган.
Өмүр гүлү өзүңдөн күч алчудай,
Кара көзүм кайрылышчы нуруңдан.
Гүлдөй болгун күлө жайнап ачылган
Күндөй болгун жарык нуру чачылган
Гүлгө булбул күндө теңдеш болоюн
Эмгегимден элим үчүн жазылган
